Xiriirka kubadda Cagta Soomaaliya

Waxaa maanta magaalada Muqdisho, gaar ahaan Hotel Jazeera, lagu soo xeray FIFA Football for Schools Workshop

 

Tababarkan oo socoday Mudo laba Maalin ah waxaana ka qeyb galay 50 macallin rag iyo dumar iskugu jira kuwaas oo ka kala yimid guud ahaan gobollada dalka.
Waxaa soo xeray Workshop-ka Guddoomiyaha Xiriirka Soomaaliyeed ee Kubadda Cagta, Mudane Cali Cabdi Maxamed (Cali Shiine), iyadoo ay goobta sidoo kale joogeen Guddoomiye ku xigeenka 1-aad ee xiriirka, Mudane Axmed Faarax Taqal , Xubno Katirsan Gudiga fulinta Xiriirka , Abukar islaw xasan , Fahma kulle cali iyo Xoghayaha Guud ee xiriirka, Dr. Yuusuf Muxudiin Axmed .
Tababarkan waxaa bixiyay labo khabiir oo ka socda FIFA Melvin Mendy, oo ah FIFA Football Development Officer, iyo Antonio Buenaño, FIFA Football for Schools Manager.
Ujeeddada tababarkan ayaa ah kor u qaadista aqoonta macallimiinta Soomaaliyeed ee ku saabsan barnaamijka FIFA Football for Schools, kaas oo lagu horumarinayo waxbarashada iyo ciyaaraha carruurta.

Wixii faah-faahin ah fadlan kala xiriir:

Xafiiska Warfaafinta & Xiriirka Bulshada XCKS 

Mogadishu – Somalia

E-mail:Media@footballsomalia.so

Scroll to Top